Институт „Пулсот на Демократијата“ – Куманово објавува оглас за прибирање понуди од медиум (правно лице) за техничка продукција и реализација на подкаст-серија посветена на теми поврзани со младинско учество, активизам и локални младински прашања.

Проектот „Гласот на младите од Куманово“ е финансиран од Министерството за социјална политика, демографија и млади.

1) Предмет на огласот

Ангажирање медиум/продукција за целосна техничка реализација на подкаст-епизоди, која вклучува:

• снимање (аудио, а по можност и видео) на подкаст епизоди;
• обезбедување опрема (микрофони, миксер/рекордер, слушалки, камери – ако е видео, осветлување);
• тонска обработка и чистење шум (audio editing);
• монтажа (аудио и/или видео);
• финален извоз на материјалот во формати погодни за YouTube и аудио платформи;
• изработка/вметнување вовед и одјавна шпица (џингл) и основна графика (наслов/лого) – по договор;
• доставување на финалните фајлови и кратки исечоци (short clips) за социјални мрежи (по договор).

2) Технички барања (минимум)

Понудувачот треба да обезбеди:

• професионално снимање со јасен звук (multi-mic setup за најмалку 2–4 говорници);
• обработка на звук со балансирање на нивоа и елиминација на шум;
• рок за испорака на финална епизода: до крајот на јануари 2026
• можност за снимање во студио или на локација во Куманово.

3) Квалификациски услови

• регистриран медиум/продукциска куќа (правно лице);
• капацитет за навремена реализација и координација со тимот на проектот.

4) Начин на избор

Изборот ќе се изврши врз основа на:

• квалитет и релевантност на портфолиото;
• технички капацитет и понуден пакет услуги;
• цена и финансиска понуда;
• рокови и достапност.

5) Потребни документи за апликација/понуда

Понудувачите треба да достават:

1. Основни податоци за правното лице (назив, адреса, ЕДБ/ЕМБС, контакт)
2. Кратко портфолио + линкови до претходни продукции
3. Техничка понуда (опис што вклучува услугата)
4. Финансиска понуда (цена по епизода и/или вкупна цена)
5. Рокови за реализација

6) Поднесување понуди

📩 Понудите се доставуваат на: pulsedemos@outlook.com или директно во канцеларијата на Институт Пулсот на Демократијата Куманово
Наслов на мејл: „Понуда – техничка реализација на подкаст (Гласот на младите од Куманово)“
📅 Краен рок за доставување: 05.01.2026 година (до 16:00 часот)

7) Контакт

За дополнителни информации: pulsedemos@outlook.com

Институтот го задржува правото да побара појаснување/дополнување на понудата или да не избере ниту една понуда доколку не ги исполнува условите.