Во рамки на проектот „Дигитална иднина на младите од Куманово“, имплементиран од Институтот за демократија и развој – Пулсот на Демократијата Куманово, а финансиски поддржан од Министерството за односи меѓу заедниците на Република Северна Македонија, се објавува:
ЈАВЕН ПОВИК ЗА АНГАЖИРАЊЕ НА ДВАЈЦА ОБУЧУВАЧИ
1. Обучувач од правна област – 1 извршител
Опис на ангажманот:
Обучувачот ќе биде задолжен за подготовка и реализација на обука од областа на дигиталните права, заштитата на личните податоци, приватноста на интернет, правата и обврските на граѓаните во дигиталниот простор и безбедното користење на онлајн платформите.
Потребни квалификации:
- Завршено високо образование од областа на правото;
- Најмалку 3 години релевантно работно искуство;
- Искуство во реализација на обуки, работилници или едукативни настани;
- Познавање на законската регулатива поврзана со дигиталните права и заштитата на личните податоци.
2. Обучувач од информатичка област – 1 извршител
Опис на ангажманот:
Обучувачот ќе биде задолжен за подготовка и реализација на практична обука за користење на дигитални алатки, дигитална и медиумска писменост, безбедност на интернет, препознавање на дезинформации и практична примена на современи информатички технологии.
Потребни квалификации:
- Завршено високо образование од областа на информатиката или сродна област;
- Најмалку 3 години релевантно работно искуство;
- Искуство во работа со млади и спроведување обуки;
- Одлично познавање на дигитални платформи и алатки.
Опис на активноста
Во рамки на проектот ќе се реализираа две посебни обуки , кои ќе се одржат во просториите на Општина Куманово. Обуките ќе бидат наменети за млади лица и ќе имаат за цел унапредување на нивните дигитални вештини, медиумска писменост и познавање на дигиталните права.
Обуките ќе се реализираат преку интерактивен пристап, практични вежби и директна работа со техничка опрема, со што учесниците ќе стекнат практични и применливи знаења за безбедно и одговорно користење на дигиталните технологии.
Потребна документација
Кандидатите треба да достават:
- Биографија (CV) и финансиска понуда
Начин на аплицирање
Потребната документација треба да се достави на електронската адреса:
со назнака:
- „Апликација за обучувач од правна област“, или
- „Апликација за обучувач од информатичка област“.
Рок за пријавување
Рокот за доставување на апликациите е 5 дена од денот на објавување на огласот.
Институт за демократија и развој – Пулсот на Демократијата Куманово го задржува правото да избере кандидат кој најдобро одговара на потребите на проектот. Само кандидатите кои ќе влезат во потесен избор ќе бидат контактирани.
