Барање за обезбедување услуги – 2 експерти за обука

Барање за обезбедување услуги – Ангажирање на 2 (двајца) експерти за обука

Институтот „Пулсот на Демократијата“, во соработка со Институтот за владеење на правото – Скопје, објавува јавен повик за ангажирање на 2 (двајца) експерти за испорака на обука во рамките на проектот: „Коалиција млади – Поддршка за локален бизнис“, кој е дел од програмата „ЕУ поддршка за Граѓанскиот ресурсен центар – фаза 2“, со финансиска поддршка од Европската Унија. Програмата ја спроведуваат: Националната фондација за развој на граѓанско општество, МЦМС, Медиа Плус – Штип и АДИ – Гостивар.

Цел на ангажманот:

Ангажираните експерти ќе спроведат еднодневна работилница (или две сесии, доколку е потребно), наменета за млади лица, со цел развој на вештини за вработување и претприемништво. Обуката треба да помогне во зголемување на нивната подготвеност за влез на пазарот на труд, како и развој на сопствен бизнис.

Опфат на задачите:

1. Првиот експерт ќе спроведе обука на тема: Јакнење на вештини за вработување, која опфаќа:
   • Изработка на CV (вклучително Europass формат)
   • Пишување мотивационо писмо
   • Подготовка за интервју за работа
   • Алатки за барање работа и развој на личен бренд
   • Поддршка при идентификација на можности за вработување и личен развој
2. Вториот експерт ќе води обука на тема: Основни вештини за управување со бизнис, со фокус на:
   • Развој на бизнис-идеја и модел
   • Основи на претприемништво и менаџмент
   • Администрација на мал бизнис
   • Анализа на можности за вработување и вмрежување со постоечки бизниси
   • Фацилитирање на дискусии, извлекување заклучоци и препораки

Опис на резултати:

Работилницата ќе придонесе за:

• Подобрување на личните и професионалните капацитети на младите
• Зголемена подготвеност за вработување или започнување сопствен бизнис
• Поттикнување на вмрежување и размена на искуства со локални компании

Критериуми за избор:

• Најмалку 3 години искуство во обуки со млади или во релевантните теми
• Познавање на младинскиот пазар на труд и локалниот економски контекст
• Способност за подготовка на практични материјали и активна фасилитација

Документација:

• Кратка биографија (CV) со релевантни референци
• Финансиска понуда (износ по експертски ден)

Начин на доставување:

Понудите да се достават по електронска пошта на: pulsedemos@outlook.com, со наслов:
„Коалиција млади – Експерти за обука“

Краен рок за доставување:

05.05.2025 година до 16:00 часот

Напомена: Непотполните или задоцнети апликации нема да бидат разгледани.